Shah bam duh ki hynriew tylli ki dukan dohmasi ha Iewduh, ha ki thylliej ding

Shillong: Ha ka shiteng synnia kumba 12 shiteng eiei hynnin ka miet ka la don ka jingpluh kaba kynsan jong ki hynriew tylli ki dukan die dohmasi kaba don ha Iewduh ha kaba ki thylliej ding ki la bam lut ia ki jingdon jingem kiba don ha kine ki dukan bad ka la wanrah ruh ia ka jingduhnong kaba khraw bha ia ki nongdie doh masi.

Katkum ki tyllong khubor ba la ioh lum la iathuh ba ka daw jong katei ka jingpluh kitei ki dukan ym shym la tip satia namar ba ka la jia ha ka por shiteng synnia hynrei la shu iohi pat da ki katto katne ngut ki briew kiba iaid lynti ba ka la don ka jingpluh hapdeng jong ka Iewduh bad tad haduh mynne mynstep ki trai jong kitei ki dukan ki lap ba ki dukan ki jong ki, ki la iingkhong hi khait na ka jingshah bam duh ha ki thylliej ding. Na ka liang jong ki pulit hi ki dang pynlong ia ka jingtohkit ban lap ia ka daw kaba la pynlong ia kine ki dukan ban kem ding.