Pynmih hukum ka Sorkar Jylla, ban trei na iing, na ka bynta ki 14 tylli ki ophis

Shillong: Ha ka 19 tarik u Iaiong, ka Sorkar Meghalaya ka la pynmih ia ka hukum kaba la bthah ia ki ophisar bad ki nongtrei jong ki 14 tylli ki jaka trei ba kin trei noh na la iing bad ba kin long kiba la kloi lada don kino kino ki jingdonkam.

Kine ki kynthup ia ka Directorate of Arts and Culture, ka Controller of Legal Metrology, Registrar of Cooperative Societies, ka Directorate of Economics and Statistics, ka Directorate of Education Research and Training, ka Directorate of Housing, ka Chief Inspector of Boilers and Factories, ka Directorate of Printing and Stationery, ka Directorate of Program Implementation and Evaluation, ka Directorate of Sericulture and Weaving, ka Directorate of Small Savings,nka Directorate of Sainik Welfare, ka Directorate of State Lotteries bad ka Commandant Civil Task Force.

“Kiwei kiwei ki jaka treikam kin treikam beit 100 percent ka jingwantrei na ka bynta ki ophisar jong ka Group A bad B bad 50 percent na ka bynta ki nongtrei jong ka Group C bad D”, la bthah ka hukum bad kane ka hukum kan iai bteng beit, tad ynda la pynbna da kumwei pat.