Shillong: Ka Kongthong youth club ha ka 14tarik Iaiong 2021, ka la pynhap pyrda noh ia ka open to all knock out football tournament 2021 ha madan Mawkalam Kongthong ha ryngkat ka jing iadon lang u Chief executive member jong ka khasi hills autonomous district council u bah Titostarwell Chyne uba dei ruh u MDC jong ka thain.
Ha katei ka sngi ka jing iakhun phainal ka long hapdeng ka sunset valley na kongthong pyrshah iaka umjerksiar na Mawmang bad ka jing iakhun ka long kaba itynnad haduh katta katta namar naduh ba sdang baroh artyli ki team ki khlem ia lah ban pynkhih jar tad haduh ba kut ka por haduh ba u rephri u la ai noh da ka tiebreaker hakaba ka sunset valley kongthong ka la lah ban thep baroh 5 kol katba ka umjerksiar mawmang pat ka la ioh ban thep tang 4 kol kaba la pynlong iaka sunset valley kongthong kan ioh rah nam lahduh jongkane ka tournament.
Hadien ba la kut ka jing ialehkai la pynlong iaka jing ialang lyngkot ha shuwa ban Sam iaki khusnam hakaba la ioh na jing kren lyngkot na ki nongialam jong ka club haka ba u u Bah stogent Lynrah General secretary, u la ai ia ka jing kren pdiang burom ia baroh.
U Bah Titostarwell Chyne uba la ai iaka sneng ia ka kyntu iaki samla ba kin ri laka burom ka akor bad kin im adkar dakaba kiar na ka jing mlien ba sniew bad u pynpaw ruh ba kamdei shuh ka sien ba nyngkong ia u ban iadon bynta bad ka club hynrei ka jing iadon bynta jong u bad ka club kala iaid lynti la palat phew snem bad u la pynpaw ruh ba un iai iadon bynta bad ka club ha ki sngi ban dang wan katba ba kot la i bor kum u nongmih khmat. La sam ruh ia ka khusnam, kaba T.30 hajar na ka bynta ka team ba jop phainal bad 15hajar naka bynta ka team ba rem phainal. La sam ruh ia ki khusnam sha ki player kiba la lehkai bha kata ia ka khusnam top scorer jong ka tournament la ioh rah da u Samuel nongpung jong ka Sunset valley, best player Meman kharkongngor jong ka sunset valley bad best goalkeeper la ioh da u Mebanjop dkhar jong ka Sunset valley.
Phi don ban ong eiei?