Nongpoh:Myn hynnin ka sngi, ki Pulit ka Ri Bhoi District, ki la lap ka metiap jong uwei u riew rangbah na kawei ka jaka kaba hap hapoh u pud u sam ka shnong Pahammawlein 20mer ha Ri Bhoi.
Ka khubor kaba la iohlum, la ong ba ia katei ka metiap la lap nyngkong da ki riew paidbah bad hadien kata ki la leit ban pyntip noh sha ki bor pulit ha Ri Bhoi, khnang ba kin ioh ban leh ia kaba donkam baroh.
Haba ki Pulit ki la leit ban tohkit ia katei ka metiap kaba la sma iwtung shikatdei eh, la suba ba katei ka metiap ka dei ka metiap u trai muluk u trai jaka na ka jylla.
Kat haduh ba thoh ia kane kane ka khubor, ki Pulit kim pat tip satia ia ka kyrteng ne ka jaka shong jaka sah ne ia kiba haiing hasem jong utei u rangbah bad ia katei ka metiap la rah noh sha Civil Hospital Nongpoh ban pyndep ia ka Postmortem Examination.
Phi don ban ong eiei?