AIS SUJA
Da ka jingai ei u Blei. Kaei kata ka jingaiei? Ka ktien u Blei ka ong – “Da ka jingai ei la pynim ia phi, da ka jingngeit kein: KATA RUH YM NA PHI: KA LONG KA JINGAIEI U BLEI. Ephesos 2:8.
U Blei u la ai ei ia la u khun ba marwei, u Jisu khrist u Trai kein, kaba da ka Jingngeit. Haba u Blei u la thaw ia u Briew, u lathaw janai (Perfect). U Blei u la buh ha u briew baroh ki jingdonkam, bad kawei nakita ka dei ka “NGEIT” (Believe). Tang shu Ngeit. Kaba mut ba u briew udei ban ngeit ba u Jisu u khun u Blei u long uta u Jingaiei uba na u Blei ban pynim ban pyllait ia u briew naka pop na u ksuid na u soitan.
Ka ktien u Blei ka ong – “U ei u ei (ne u uno uno) uba ngeit ha u Jisu, un ym jot shuh. Ioanis 3:16, Uno uno uba NGEIT: kamut u Blei u khlem pynbor (not by force) ia u briew. “Uta uba ngeit ha u yn ym pynrem, u bym ngeit u la rem lypa. Ioanis 3:18.
Uta uba ngeit ba u Jisu udei uta u Jingai ei na u Blei ban pynim ia u briew, yn pynim ei ia u, kaba mut ba yn pynim ia ka mynsiem jong u nakata ka JINGIAP KABA AR. Jingpynpaw 20:14. Ka jingiap kaba ar kadei ka mynsiem ha dujok junom bad ki ksuid, u soitan.
Ban pynim ia ka mynsiem (spirit), ymdei da ki kam ki jingleh bad ban sngew sarong ia kata. Hynrei tang da ka Jingngeit kein bad kaba ngeit ha u Jisu Khrist uba long u Trai halor baroh. (Lord Overall).
Ban ioh ia ka jingpynim ei bad ka jingaiei na u Blei u briew u donkam ka jingkylla bamut. U Petros u ong ha u Paid bah- “To phin kylla kaba mut, bad yn pynbaptist ia phi uwei pa uwei ha ka kyrteng u Jisu Khrist u Jisu Khrist ban ioh map ki pop, bad hadien kane, phin ioh pdiang ia ki jingai (gift) u Mynsiem Bakhuid (Gift of the Holy Spirit). Ki kam ki Apostol 2:38. “To pynim ialade na kane ka pateng bynriew ba kynriang”. Ki kam ki Apostol 2:40.
U briew u donkam ban pynim ialade na kane ka pateng bynriew dakaba u donkam ban pdiang ia u Jisu Khrist u Trai uba long u Jingaiei na u Blei ban pynim ei ialade.
Balei hap ban ngeit hakata ka kyrteng u Jisu? Dei namar ba ymdon ka jingpynim hano hano hawei pat: Naba ymdon kawei pat ka kyrteng hapoh ka bneng ia kaba la ai ha ki briew ia kaba dei ban pynim ia ngi. Ki kam Ki Apostol: 4:12. Dei tang ia uta uba u Blei u la ai ei hangi uba lah ban pynim uba lah ban pyllait ia u briew na ka dujok, kata tang shu ngeit.
U briew udei ban shim ia ka STIEH KA JINGNGEIT, NAMAR KA JINGNGEIT KADEI KA STIEH ba phi lah ban pyllip ia ki sum ba meh ding (missiles) jong u soitan. Ephesos 6:16. Dei nakata kadaw u Blei u kwah ia u briew tang ban ngeit bad ban leh hakata kaba u la ngeit – namar tang da ka jing ai ei (only by grace) la pynim ia u briew.
Ngi im ha ki sngi kiba eh tam, ki sngi khadduh (end times), u briew u donkam ka Jingngeit kaba khlain, namar tang daka jingaiei u Blei la pynim ia u briew na ka pop, bad kaba ngeit ha u Jisu Khrist kein.
U Apostol Paul u ong – “kata kaba nga im mynta ha kadoh, nga im da ka jingngeit kaba ha u khun u Blei….. uba la aiti noh ia lade NA KA BYNTA JONG NGA. Galatia 2:20. Ka pyrthei ka long kumba ka long mynta dei namar tang da ka JINGAIEI U BLEI. Amen.
amen