Shillong:Ka Friends Sporting Utd ka long ka lah duh jong ka PFR Veteran Cup 2020-21, hadien ba ka la lah ban pynliem noh ia ka Mawkyrwat Veteran, da ka tie breaker ha ka jing ia khun phainal kaba la long myn ha ka sngi saitjain kaba la dep ha madan Malki.
Ka jingialehkai phainal hapdeng kine artylli ki kynhun ka la long kaba itynnad bad kaba shong shit bha. Baroh artylli ki kynhun kila ia khun tyngeh ban ioh pynkhih jar, hynrei ka jingialehkai kala kut hapdeng ka jing ia khaid da 0-0. Hadien ba baroh artylli ki kynhun ki khlem ioh ban pynkhih jar wat haduh ka extra time, ban rai iaki nongjop jong kane ka lympung la hap ban pyniakhun noh daka tie breaker.
Ha ka tie breaker ka Friends Sporting Utd kala lah ban pynliem noh iaka Mawkyrwat Veteran da 7-6 kol. Ia ka nam Player of the Tournament, la ioh da u Bah Kyrshan Lyngdoh naka Friends Sporting Utd.Ha kane ka sngi la don ryngkat u MDC jong ka Malki Laitumkhrah Constituency u Bah Fantin J.Lakadong kum u kongsan.
Phi don ban ong eiei?