Ong U President ka US, ia ka Russia, ba kan mih noh na khappud ka Ukraine

U Joe Biden, President ka United States, ula iakren hynnin ka sngi bad U Vladimir Putin, President ka Russia, ha kaba ula bthah ia ka Russia, ba ka dei mih noh na khappud ka Ukraine. Katei ka jing iakren, ka dei hadien ba ka Russia, ka la bthah ia ka US, ba kan mih noh na katei ka jaka ia kynad, na bynta ka jingbha jongka hi.

Ha ka jing iakren kaba ar sien, naduh ba u shimti kum U President ka America, U Biden, ula maham ia ka Russia, ba ka dei ban pynjem noh, ia ka jing ia kynad ha ha ki bynta ba sha mihngi jong ka Europe.

U Biden, u kren shai ruh ba u kyrshan tyngeh ia ka jing synshar jong ka Ukraine bad ia u pud u sam jong katei ka Ri bad u ai jingmut ia U Putin, ba un pynbeit ia ka jing ia kynduh bad iakren halor katei ka mat lem bad kiwei kiba don jing iadei hapdeng ka Russia bad ka United States.