Pynmih hukum ka sorkar jylla, ban leit jing iaseng, tang mar shiteng ki jaka shong

Shillong: Na ka daw jong ka jing nang kiew ka jingpang khlam ha ka jylla bad ka jingmih sa kiwei pat ki jait jingpang kiba pher jong u covid,kumta ka sorkar jylla, mynta ka sngi, ka pynmih ia ka jing pyntip, ba yn shah ia kito kiba leit sha ki iingmane, ba kin leit tang mar shiteng lane 50 percent, na ka jingdon ki jaka shong ha ki jaka mane Blei.

Katei ka hukum, ka dei kaba la pynbeit, ia kaba kham mynshwa, kaba No. POL.75/2020/Pt1/84, 02-02-2021. La bthah ruh ba kiwei pat jaka jing ialang, kin long hi tang mar shiteng bad nangta ki jaka ialehkai bad ki iing cinema ruh, kin pdiang tang mar shiteng, na ka jingdon jaka shong bad la bthah ruh ia baroh ki dukan, ba kin khang ha shwa ka por 9baje mynmiet.