Shillong: Ka Kur Khonglam Ri Khasi Jaintia ka la pynlong ia ka Durbar Kur ha 10tarik Iaiong 2021 ha Wahlyngkhat ka ba dei ruh ka shnong ba la wan shong shnong nyngkong eh da ka Kur Khonglam.
Ha kane ka Durbar Kur, la ioh ia ka jingkren pdiang na Ka Pynursla Unit bad ka jingrwai pdiang. La pynher ia ka Lama jong ka Kur da u President.
La pynlait ia ka Jingrwai Theme song jong ka Kur bad la ia ka kot lyngkdop ka ba ia thuh ia ka jingiaid lynti ka Kur Khonglam (Brouchere.
La pyllait ruh ia ka kot ba la thoh da i Adlyne Mary Khonglam. Ki don ruh kiwei pat ki Programme ba la ai da ki 5 tylli ki Unit ka Kur Khonglam kata ka jingrwai tynrai na ka Pynursa Unit, ka jingialehkai Skit na ka Sohryngkham unit, Ka Jingshad Pliang na ka Lumkseh Unit, Ka Jingshad Khalai Miaw na ka Sohra Unit bad ka jingrwai na ka Shillong Unit. Ki Rangbah bad samla ka kur ki la pynpaw ia la ki sap ha ki kam rwai. Ka la don ruh Ka Jingpynithuh ia ki Nongkitkam jong Ki Unit, Ka jingai Report ia ka Jingtreikam jong ka Kur Khonglam, ka Report Jingkhein jingdiah bad Audit Reoprt.
La Jied ruh ia ki Nongkitkam ba thymmai Ka Kur Khonglam Ka Jingjied ia ki Nongkitkam ba Thymmai Snem 2021-2022, President- Begood Khonglam, Vice-President – Adamson Khonglam, General Secretary – P. Extender Khonglam, Assistant General Secretary- Aplaimon Khonglam, Publicity Secretary – Darleen M Khonglam , Assistant Publicity secretary – Evandalene khonglam, Organising secretary – Mary Adlyne Khonglam, Assistant Organising secretary – P.Kynphamlang Khonglam, Treasurer – Dr. Aidrolin Khonglam, Auditors – Smt. Beryl Dona Khonglam & Venetia Khonglam, Advisers Edmund Khonglam, Seprin Khonglam, Surmavaley Khonglam, Transing Khonglam, Estherdora Khonglam , Irismary Khonglam lem bad ki 16 ngut ki Executive Members na ki unit bapher bapher.
La don ruh ka jingpynialeh ia ka 1st Dr. Flinder Anderson Khonglam Penalty Goal Kick ia ki Rangbah Kur Shynrang, Ka Jingiatan tyllai Tug of War ia ki Longkmie ka Kur Khonglam bad General Quiz ia ki samla.
Ha kane ka sngi la Pynlong ka Jingpynkup Burom Educational Award ia ki 4 ngut ki samla pule ka Kur Khonglam ki ba la ioh 80% Percent shaneng Total Marks ha Ki Boards / University Examination snem 2019 bad 2020 kita ki long Miss. Lydia Khonglam ba la ioh Gold Medal ha ka MSc ( Statistic) NEHU Examination 2019 , Miss. Karrisa Berti Khonglam ba la ioh 96.80 % ka Total Mark ha ka Class XII (Science) CBSE Examination 2020, Miss. Iasamlang T Khonglam ba la ioh 89.50% ha ka SSLC MBOSE Examination 2020 bad Battikordor Khonglam ba la ioh 84.66 % bad la pynlong ruh ia ka Jingpynkup burom ia ki 20 ngut Riewtymmen ka Kur na kylleng ka Ri Khasi Jaintia ba la Palat 80 snem ka Kyrta da U President. La ioh ruh ia Ka Sneng ka Kraw Lyngkot bad la Pynhap ia ka lama da u Vice President bad ba la aiti sha ka Kur Khonglam Sohra Unit ban sa pynlong ia ka Durbar Kur ha u snem 2022, ong ka khubor na ka kong Darlene Khonglam, Publicity Secretary, Kur Khonglam ri Khasi Jaintia.
Phi don ban ong eiei?