New Delhi: U Anmol Ambani, uba dei u khun nyngkong jong U Anil bad ka Tina Ambani, ula ther tyngeh, halor ka jing pyntrei kam ia ka pakhang shnong ha ka jylla Maharashtra, ha kine ki sngi.
U Ambani, uba 29 snem ka rta, uba dei uwei na ki khun heh spah jong ka India, ula ther tyngeh ia ka sorkar Maharashtra, da kaba ong “Ki aktor, leit ak phlim, katba ki mon, ki nong ialeh kriket, ki lah ban ialehkai haduh shiteng synnia ruh, ki riew sain pyrthei, ki lum lympung ia ki paidbah; hynrei ia ka jingtrei business lane kiwei pat ki kam, ki la kylla long, ki bym bit satia ban trei. Ka mut aiu kane” ong U Ambani ha ka peij jongu, ha ka twitter.
Nangta, U Anmol, u ong shuh shuh, ba ka jingleh jong ka sorkar, ka dei tang ka buit sianti bad kam don jing iadei eiei ruh em bad ka bha ka miat jong u paidlang jong ka jylla, hynrei kane ka dei pynban, ka khlam bamsap.
Kham mynshwa, ha ka 21tarik Kyllalyngkot 2021, U Ambani, u kren shai, ba kane ka khlam, ka dei ka jing pynngeit jubor ia u paidbah, hynrei, kaba dei ka jingleh jong ki riew shitniam suda.
Phi don ban ong eiei?