Dang wad ki pulit, la ki don ne em kiba bam tuh lang bad u chowkidar, ia ka T.4.67klur ka pisa ka balang Mawkhar

Shillong:Halor ka jingbam tuh ia ka pisa jong ka Balang Presbyterian Mawkhar, ki pulit, ki dang tih bniah, la ki don ne em, kiwei pat kiba ia sylla lang.

Ka khubor, na U Superintendent of Police, East Khasi Hills, Bah S Nongtnger, ka iathuh ba ka Balang Presbyterian Mawkhar, ha ka 3tarik Nailar 2019, ka balang Presbyterian Mawkhar, ka la ujor, halor ka jing bam tuh ia ka pisa jong ka balang, kaba la bteng naduh u snem 2013.
La kynnoh, ba katei ka dei kaba la don kti da u treasurer jong ka balang, uba la bat ia katei ka kam, naduh u snem 2009, ha ka jing ia sylla bad u chowkidar, uba sah ha Mission Compound, U bah Allfas Bareh.
La iathuh ba katei ka dei ka pisa, kaba ioh lum na ki jingai nguh, kaba man ka Sngi U Blei, ha kaba hap ban leit thep ha State Bank of India, Bara Bazar, Shillong.

Ki pulit ka Lumdiengjri, ki la tohkit ia katei ka kam, lyngba ka PS Case No. 93(8)19 U/S 403/406/408/420/465/468/471 IPC bad la kem ia U bah Allfas Bareh, u chowkidar jong katei ka balang bad nangta ia ka chargesheet, la dep ai pyrshah ia u. La ong shuh shuh, ba ka jingtohkit, ka dang iaid, ban wad sa ia kiwei pat kiba don bynta lang, halor katei ka jingtuh pisa, lada ki don.

Lah ban pyn kynmaw, ba ka Balang Mawkhar, ka la ujor sha ki pulit, ba ka pisa, kaba la jah, ka la ka kot sha ka T.4.67klur.