Shillong:Ka shnong Mawiong Umjapung kum shi bynta ban pynmih pisa na ka bynta ban shna ia ka kynroh ka ban iada na ka jingshlei ka wah Umshing, kaba don ha kane ka shnong, ka la pynbna ban pynlong da ka 2nd Late Amanda Pathaw Open to All Football Tournament ia ka ban sa pyniaid da ka Nongneng Bl (b) ha ryngkat ka jingiarap lang ka Iaineh Sport Club.
Haba ia kren bad ki lad pothai khubor na ka liang u Rangbah shnong kane ka shnong u bah Anthony Kharkongor, u la iathuh ba ka thong jong kane ka shnong ban pynlong ia kane ka jingialeh kai Football ka long ban pynmih pisa na ka bynta ban shna ia ka kynroh ia ki kynriang ia ka wah Umshing.
U bah Kharkongor u la iathuh ba ka jing i donkam ban shna, ia ka ne ka kynroh ka long ban iada ia ki nongleit nongwan ki ba ju iaid lynti narud ka wah Umshing, namar ba ka ju don ka jingshlei um khamtam ha ka por slap.La iathuh ruh, ba ban shna ia kane ka kynroh kan lut haduh T30-35 lak eiei bad kane jingshna dang dep tang 30% ka kam ha kaba ki nongshong shnong, ki la synniang hi ban sdang ban shna ia ka ne ka jaka bad la pynpaw ruh ka jingsngewdiaw halor ka jingbym treh jong ka sorkar ban iarap ia kane ka shnong na ka daw ba ka sorkar kam lah ban pynshai ia ki, ba kane ka shnong ka hap ha ka jaka kyndong ne jaka sor.
Kumta kane ka shnong ka la shimkhia hi ia ka ne ka kam ha ka ba ka la thmu ban pynlong da ka Football Tournament.
Kane ka Tournament kan sdang ha ka 8 tarik u bnai Jymmang 2021, ha kaba ka bai rung ia kawei ka team kan long T.3555 bad kane ka Tournament yn pyn ialehkai 9 ngut shiliang bad la shah ruh ia ki nongialehkai na bar, ha kaba ki nongjop kin ioh T.70,000 bad kaba wan ba ar kan ioh T.41,111 bad nalor kane kiba poi sha ka final kin ai ruh ia ki khusnam ia u Best Goal Keeper,Scoorer bad Promissing Player bad ka bai Form kan long T20.
Phi don ban ong eiei?