Ym don doktor ha PHC Iooksi

Shillong,
12 Rymphang:
La bun bun bnai ym don doktor ha PHC Iooksi ba peit nongpang, bad halor katei ka jingeh ki paidbah ka KSU Saphai Unit mynta ka sngi ka la leit ba ia kynduh ia u Director of Health Service (MI) Shillong hynrei kam shym la ioh lad ban ia kynduh ia u kumta ka la ia kren noh bad u joint Director u Dr. War. Ha ka jingiakren ka kyrwoh na ka KSU Saphai unit ka la iathu ba u joint Director u la ong ba ka daw ba ym don doctor ha Iooksi PHC ka dei namar ba ka doctor ba dei trei ha katei ka PHC ka don hapdeng ka jingbym khlain ka met bad ka dang pynkhreh ba pan kynriah kam noh na katei ka PHC bad hadien kata ka tnad kan sap hah da uwei pat u doktor.
Haka jingiakynduh ia u Joints DHS(MI) ula kular ban shimkhia iaka jingdawa ka Seng da kaba ula kular ruh ban iakren ia u DHS ( MI) naka bynta ban phah Doctor mardor hapoh ka Iooksi PHC. U la kular ruh ban shimkhia ha kaba iadei bad ka jingdawa ka Seng ban thung iaka Health Educator, ban kyntu ia ka Pharmacist ban wan tista sha la ka kam.
Ha kaba iadei bad ka jingdawa ka Seng ban pynioh Doctor Arngut ha poh Iooksi PHC, naka liang u Dr War ula ong ba ia mynta hi ka naka liang ka tnad ka koit ka khiah ka dang duna Doctor, bad u ong ba lah ban pynioh arngut tad ynda la kham biang doctor ka sorkar.