Ka Priyanka Gandhi Vadra, nongialam jong ka seng Congress, ka hap shong kyrpang ha kine ki khyndiat sngi ban sa wan, na ka daw, ba U Robert Vadra, u tnga jongka, ula ioh ia ka khlam Covid 19. Ka Vadra, ka la hap ban pyn sangeh ia ki prokram kanbas elekshon jongka, na ka bynta lai sngi ha Assam, Kerala bad ha Tamil Nadu.
U Robert Vadra, u pyntip paidbah mynta ka step, ba ula ioh ia ka jingpang covid 19. “Manga bad ka Priyanka, ngi don ha ka jing ia shong kyrpang bad ka Priyanka, kam shym la ioh satia ia katei ka jingpang iabit” ong U Vadra ha ka facebook peij jongu.
La iathuh ba ki khun, kim shym don lang satia bad kiwei ruh, kiba don ha iing, kim shym la ioh ia katei ka jingpang, ong shuh U Vadra.
Ka Priyanka, ha ka video mesej, ka iathuh ba ka la phah test hynnin ka sngi bad kam don satia ia ka jingpang corona, hynrei ka la hap ban shong kyrpang ha iing ha ki khyndiat sngi ban sa wan bad ka pyntip ba ki jing ialang elekshon jongka ha Assam, Tamil Nadu bad Kerela, la pyn sangeh noh.
Phi don ban ong eiei?