Good Friday

AIS SUJA

Good Friday, Balei la ong – Good Friday? Lane sngi thohdieng babha? Haba onf Good Friday baroh ngi ong ka sngi iap u Jisu. Te balei ka bha? Haba iap uno uno u briew, ngi ong ka sngi kaba sniew kaba dum kaba sngewsih namar ka jingkhlad noh ne iap noh. Hynrei haba la iap pat da u Jisu u khun u Blei uba long u syiem ki syiem, ngi ong pynban good Friday! Kadaw ka long ba u Jisu u khun u Blei u la wan khnang naduh bneng sha pyrthei ban shah iap ka ong ka ktien u Blei.

U Jisu ju la iap ha ka sngi thohdieng (Friday) April 32 AD, kata shwa ba un iap u la leit poi ha Bethany ha u April 32 AD hi ka por haka ba u la leit sah ha ing u Lasaros ia uba u la pynmih pat na kiba iap, kaba mut ha ka por kaba u la leit rung shapoh Jerusalem kum u syiem ki Israel. Ioanis 12:12-19. Kumta ka jingiap u Jisu ka la jia ha ka janmiet u bnai ba Nyngkong jong ki Israel uba long u bnai April. Namar u bnai March udei u bnai kutsnem ha ki Jiw ne Israel (kumba long ka jingkut snem ka sorkar).

Shaphang ka jingiap u Jisu kamdei shuh kaba phylla, namar u la wan khnang ban shah iap naka bynta ki pop ki bynriew ka pyrthei, ka ktien u Blei ka la dep iathuhlypa ha u Isaiah ha ki Spah snem mynshwa, u Isaiah u ong uei uba la ngeit ia ka jingpynbna jongngi?…….. u la long uba la I bein ba la kyntait da ki briew, u briew ki jingsngewsih uba tip ia ka khuslai…… la pynmong ia une dei namar ki ryngkang jongngi……. Da ki jingjngem snam jong u la pynkhiah ia ngi…… u Trai u la bun halor jong u ia ki jingbymhok jongngi baroh. Isaiah 53:1-6.

Kane ka jingiathuhlypa u Isaiah shaphang u Jisu, u khun u Blei ka lawan ban urlong. U Jisu u lawan sha ka pyrthei, la pynbaptist ia u ha ka wah Jordan, Mathaios 3:13. Ha shwa ia kane, u Ioanis u la kdew sha ki paidbah sha shilliang ka Jordan, u ong- “Ha khmih u khun langbrot jong u Blei, uba kit noh ia ka pop jong ka pyrthei” Ioanis 1:29. Hangne u Ioanis naduh ba sdang u la iathuh ba u Jisu udei uta u langbrot u Blei (Lamb of God) uba lawan khnang ban shahiap ban kit ia ki pop ka pyrthei ki bynriew ka pyrthei. Te balei u Blei ula pyllong langbrot ia la u khun? Kadaw ka long, ba kam treikam shuh ka snam ki mrad ki masi kyrtong bad ki blang ban kit ia ki pop u bynriew ka pyrthei. Hebru 10:1-4. “Namar ha kaba u la iap, u la iap noh shisien iap kein namar ka pop. NongRom 6:10. U Jisu u la pyndam noh ia ka pop da kaba knia ialade. Hebru 9:24-28.

Ka jingshahiap u Jisu ha ka sngi Thohdieng u snem 32 AD. Ka long ba u Blei u la pynim iaphi ha u Khrist, u la map noh ia ki pop jong phi, la pyndam noh ia ka ain ba don bad ki kyndon jong ka (having Cancelled the written code,with its Regulations) kiba long pyrshah ia ngi (that was against us and stood opposed to us), u la shim ia ka (He took it away) bad sahprek ha Diengphna (Nailing it to the cross) la sloit iktiar noh (having disarmed) ia ki Bor (powers) bad kiba donbor (Authorities) u la pynpaw paidbah iaka (He made a public spectacle of them), bad leh risa jingjop halor ka Diengphna (Triumphing over them by the cross). Kolossai 2:13-15.

Halor diengphna, u ong – “La pyndep” It is Finished. Ioanis 19:30. Ah! Ka jingieit bah u Blei, u la phah ia la u khun ban shahiap ha ka jaka ban iap mangi, “Uei uei uba ngeit ha u, un ym jot shuh. Ioanis 3:16. Amen.