Haduh T.110klur, kurup kyiad, pisa, kynja; ha ka elekshon ha Assam

Guwahati:Ka jing kurup pisa bad kiwei de ki tiar, ka la jubor than ha kane ka elekshon kaba long mynta ha Assam.

Ka pisa bad kiwei ki tiar, ki kynthup ia ka kyiad, u droks bad kiwei de ki tiar, kiba shongdor T.110klur, ong U Chief Electoral Officer ka Assam, U Nitin Khade. Ha u snem 2016, ka jing ioh kurup ia ka pisa bad ki tiar, ka long tang T.20klur.

Haba kren sha ki kotkhubor, U Khade, u ong ba ka jing kurup droks bad kiwei de ki jingdih ba sniew, ka long T.34.29klur, nangta sa 16.61lak litar ka kyiad kaba shongdor T.33.44klur, nangta sa ka pisa kaba long T.25.40klur ha ryngkat ka ksiar, ka rupa bad kiwei ki mar remdor, kiba long T.3.68klur.
Ka elekshon, ha Assam, la pynlong ha ka sien kaba nyngkong, ha ka 27tarik Lber 2021, na ka bynta 39 seat bad ka sien kaba ar, ha ka 1tarik Iaiong 2021 bad ka sien kaba lai, ha ka 6tarik Iaiong 2021.