9ngut kiba ioh covid ha ka jylla, mynta ka sngi

Shillong: Kiba ioh pang covid thymmai, mynta ka sngi, ki don 9 ngut bad kitei ki kynthup ia 6ngut na East Khasi Hills.

Na kitei ki kynthup ia ar ngut ki shipai, 2ngut kiba wan phai na shabar jylla, uwei u high risk contact, uwei uba leh screening.
Ka Ribhoi, ka don 2ngut kiba ioh pang, ha kaba uwei u dei uba leh screening, uwei uba don ILI Case, katba ka West Garo hills, ka don ia uwei uba pang, uba wan phai na shabar jylla.

Kiba jem na ka jingpang, ki long 5ngut mynta ka sngi.
Kiba dang don ia ka jingpang, ki long 49ngut bad kitei ki kynthup ia 21ngut ha East Khasi Hills, 6ngut ha Ribhoi, 22ngut ha West Garo hills.
Kiba la jem na ka jingpang, ki long mynta 13,866ngut bad kiba iap ki long 150ngut.