Duh security deposit 63ngut ki kyrtong Congress

New Delhi,
10 Rymphang:
63 ngut na ki 70 ngut ki kyrtong Congress kynthup ki nongialam rangbah kum u Ajay Maken, Kiran Walia, Haroon Yousuf bad Yoganand Shastri, ki la duh syndon ia ka security deposit jongki, ha ka elekshon MLA ha Delhi, ha kaba ka AAP ka la jop kput. Ka khun u President ka Ri u Pranab Mukherjee ka Sharmistha Mukherjee ka la rem na Greater Kailash konstitwensi.
Na ki hynniew tylli ki konstitwensi kiba dei ka ktem jong ka na Badli, Chandni Chowk, Jang pura, Laxmi Nagar bad Matia Mahal, ka Congress kam shym la lah ban pyn jop tang marwei ruh, hyn rei kam da shah rem kput pat.
Ha Sadar Bazar konstitwensi u Maken uba ia khun na ka seng Congress u la ioh 16,331 vote, katba u kyrtong ka AAP u Som Dutt u la khung haduh 67,507 vote bad u la jop, u kyrtong ka BJP u Praveen Kumar Jain u la wa ba-ar bad u ioh 33,192 vote.
U myntri sorkar barim ka Delhi u Kiran Walia u la shah rem ha kane ka kynti ha kaba u la ioh tang 4781 vote, katba u Kejriwal pat u la jop donburom bad u la ioh 57,213. Ki lai ngut ki kyrtong ka BJP ki la tlot bha ha ka jingiakhun kaba kynthup ha Badli konstitwensi. Wat la ka AAP ka la leh bha bad khur bun ki vote hynrei uba tlot tam na ka party u la long balai na Mustafabad konstitwensi.