Samla kynthei, phong jain bha, haba ia kynduh bad U Rahul, ba u dang samla

U Joice George, U MP barim ka Idukki, ula wohnia halor ka jingleit U Rahul Gandhi, ha kine ki sngi, sha ki jaka pule bapher bad U George, u bthah ia ki khynnah kynthei, namar kata, ba kin da phong jain bha lane riam bha, haba ia kynduh bad U Rahul, namar ba u dei u bym pat don lok.

“U Rahul Gandhi, un leit beit tang sha ki kolej jong ki kynthei bad un leit shatei ban hikai ia ki khynnah kynthei ban dem. Ko khynnah ba ieid, sngew bha wat dem ha khmat jongu, namar ba um pat don lok” ong U George.

U George, u kren ha ka jing ialang ban kanbas elekshon, ia U MM Mani ha Idukki district jong ka Kerala.

Katei ka jing kynnoh, ka dei hadien ba U Rahul, ula leit sha ka Teresa kolej ha Kochi ha ka Lah Sngi U Blei ba ladep, ha kaba u ai jinghikai ia ka jing ialehkai Aikido.

U Rahul Gandhi, u dei uba la shah hikai ialade ha ka Aikido, kaba dei ka jing ialehkai martial arts jong ka Japan, ha kaba u hikai ba kumno ka kynthei, ka lah ban iakhun ialade, lada don kumba 7,8 ngut kiba pynwit ia ka.