Lada ym don ma nga ka 19 South Shillong, kan ym ioh ia u nongmihkhmat khasi, ong U bah Sanbor

Shillong:U MLA ka 19 South Shillong u la ong, “Nga dei u nongmihkhmat u ba sngewsarong, namar ba kiwei ki MLA ki jop na ki shnong khasi, hynrei nga dei u MLA u ba jop na ka Constituency kaba 80% ki dei ki non tribal bad 20% ki tribal”.

Haba kren ha ka sngi rakhe ia ka jingdap 12 snem jong ka HANM, u bah Shullai u la ong ba ka constituency jong u, kaba don 80 % ki nontribal bad 20 % ki tribal ha kaba ka dei ka general seat ha ka ba u briew u bym dei u khasi ruh u lah ban iakhun ha ka election.

U la ong ruh “Lada ngam dei ma nga bad ki nongkyrshan ba stad jong nga, phin ym ioh ia u MLA u ba dei u para doh para snam na ka 19 south Shillong Constituency”.

U bah Sanbor u la ong ruh ba haba u la ong kum u MDC u ioh ia ka nam kum u MDC u ba shlur tam namar ba u la leit ban plie ia ki Ambulance, ki ingskul, ki jaka ap bus ba la bei da ka seng kaikhlaw HNLC. U la ong ruh ha ki 35 snem mynshuwa, u la don bynta ha ki sengbhalang, namar ba u sngewthuh ba ka jaitbynriew ka bym ia khih ka dei ka jait bynriew kaba iap.