Naduh mynta ka sngi, mar shiteng, hiar dor, ka bai test covid

Shillong:Ka tnat ka koit ka khiah ka sorkar jylla, lyngba U Sampath Kumar, Commissioner & Secretary jong ka sorkar Meghalaya, ba peit ia katei ka tnat, ki pyntip ba naduh mynta ka sngi, ka bai test jong ka rapid antigen test (RAT), kan hiar dor noh sha ka T.250, na kaba ju long T.500 baroh shi katta, katba ka RT PCR Test, kan long T.500, na kaba ju long T.1,000 baroh shi katta.

Kito kiba dei ban phah test, ha ki jaka rung sha ka jylla, kin dei ban siew katba kum katei ka dor kaba la pyni haneng, katba kiba don ha ka kyrdan below poverty line (bpl), kiba don ia ki yellow bad pink NFSA card kim donkam ban siew pisa, na bynta kitei ki test haneng bad kito kiba don jing ia bit lane high risk contact, kin shah test khlem donkam ban siew pisa, ong shuh ka khubor. La iathuh ba katei ka dor thymmai, ka trei kam naduh mynta ka sngi, ka 23tarik Lber 2021.