Nga bishni palat, ba me ioh ia ka tnga kaba bhabriew, ba mem dei ban ioh, shah bein u Abhishek

U Abhishek Bachchan, ula shah wohnia man ka por, ha kito kiba don ha ka peij twitter. Uwei na ki nongthoh ha ka twitter, u la kren bein ia U Abhishek, da kaba ong “Me biang ia ka bym larkam suda (good for nothing)’ bad utei u kynthoh, halor ka trailer, jong ka phlim U Abhishek, ka ban sa mih shen, kaba la ai kyrteng The Big Bull.

“Me biang ia ka bym myntoi suda ….. nga bishni ia me, tang ba me don ia ka tnga kaba da bhabriew sat bad kaba mem dei hok satia ban ioh” ong uwei uba thoh ha ka kyrteng @sparshsaxena789.

Hynrei U Abhishek, u ai khublei don burom ia utei u nongthoh, da kaba u ong “Nga shu kwah ban tip, la phi thew iano haba phi thoh kumtei, namar ba phi la tagg ia kiba bun bah ki briew? Nga tip ba ka Ileana bad ka Niki, ba kim pat don lok satia bad katei ka pynlong iangi, kum ia U Ajay, Kookie, Sohum) soooo…”.

U Abhishek, u ju shah bein bha ha kito kiba don ha ka twitter bad myn shem snem, uwei ula kren bein, da kaba ong “Mem tharai, ba me ioh kam ak phlim, tang na ka daw, ba me dei u khun jong U Amitabh Bachchan?” bad halor katei, U Abhishek, u jubab, da kaba ong “Nga da kwah eh, ba kan long kumta bad mutdur, katno tylli ki kam, kiba ngan dang ioh”.