Weng noh mardor, ia u myntri bor ding bad U CMD ka MeECL, dawa ka UDP

Shillong: Ka seng United Democratic Party (UDP), ha ka shithi, kaba ka la phah mynta ka sngi sha U Conrad K Sangma, myntri rangbah ka Jylla, ka la pynpaw ia ka jingsngew khia, halor ka jingshah kit ram jong ka tnat bor ding ka sorkar jylla bad kaba la pynmih ruh ia ka jingduh bor ding jong u paidlang ka jylla.

Ka UDP, lyngba U bah Jemino Mawthoh, General Secretary jong katei ka seng, ka ong ba katei ka tnat, ka don ha ka jing kyrduh pisa bad nangta, sa ka jing bym iaid beit ka jing pyniaid ia ka pisa ka tyngka jong katei ka tnat sorkar bad la dawa namarkata, ba dei ban weng khlem pynslem shuh ia u myntri bor ding bad kumjuh ia U Chairman cum Managing Director jong ka MeECL.