Kut noh ka jingbeh thong jong ka Meghalaya Women’s Senior

Shillong: Ha ka sien lehkai kaba khatduh jong ka kynhun ki thei na Meghalaya pyrshah ia ka Himachal Pradesh ba la ialeh ha Chennai mynnin ka sngi jong ka Women’s Senior One Day Trophy, ka Meghalaya kam shym lah lah ban ioh ia ka jingjop ha kane ka kynti ruh, ha kaba ka Himachal Pradesh ka la pynliem ia ka da 10 wicketHa ka kylla step ka Meghalaya ka la jop ia ka toss bad jied ban tied bol shuwa hynrei kim shym la lah ban poi sha ka jingthmu, ha kaba ki la shu khyllem lut tang da 28 run kaba la buh ia ka Himachal Pradesh da kaba suk ban beh thong ia kane ka run tang da ki 4 over.

Da kane, ka kynhun ki thei ialeh ka Meghalaya ka la pyndep ia kane ka samoi ialehkai da ka jingshah rem kaba san sien ha ka elite group da kaba ki la hap ban iakynduh naduh kaba sdang haduh kaba kut ia ki kynhun kiba la paw bad kiba kham tbit jong kane ka ri.

Wat lada kane ka kynhun ka mad ia ka jingshah rem kaba san sien san wat, hynrei ki thei ialeh ka Meghalaya ki sngew dei ban don ka jingsngew sarong ban long ka kynhun kaba nyngkongduh ban mih khmat na ka jylla, kam pher la ka dei ka kynhun ki shynrang ne kynthei ne ha la ki jong ki jong ki rta hynrei kaba la lah pat ban shah jied kum kawei ka kynhun hapoh ka Elite group, bad kaba la lah ruh ban poi ha ka kyrdan kaba ar ha ka Plate Group jong ka samoi kaba la dep.