Shillong:U Myntri ba dei peit ia ka tnad bor ding, U James K Sangma, haba jubab ia ka jingkylli u Zenith M Sangma (Congress), u la iathuh ba ki chief Engineer ha Garo Hills hapoh ka MePDCL ki don 2 ngut. U la iathuh ba ka dei ka jingshisha ba la thaw ia ki ar tylli ki post hapoh jong ka MePDCL kawei ka dei jong u Chief Engineer (Distribution) West Zone, Tura bad kawei ka dei ka post jong u “Officer on Special Duty” (Revenue Monitor) Western Zone ha ka kyrdan Chief Engineer (Electrical ).
U myntri u la iathuh ruh ba mynta ki don ar ngut ki Chief Engineer ha Western Zone bad ka jingthaw ia kane ka post kaba thymmai, ha ka kyrdan Chief Engineer ka long tang ban peit kyrpang ia ka jinglum bai thang ding, na ka bynta ka Garo Hills District.
Haba jubab ia ka jingkylli bynrap, na ka liang jong u myntri tnad bor ding, u la iathuh hapoh ka ingdorbar ba ha Garo Hills District ki don shibun ki jingeh ha kaba ia dei bad ka jingsam ia ka bor ding electric bad kane ka jingeh ka dei kaba la slem bha bad ka dei na kane ka daw ba ka sorkar ka ialeh ban pynbeit ia kane ka jingeh.
U la iathuh ruh ba ka jing wan pisa na ka bai light, na ka ophis ba dei ka thain Chokpot ka long tang 12.86%, na Baghmara 12.12% bad Mendipathar ka long tang 22.64%,katba haba ia nujor bad ka Sohiong ka jingiohlum bai light ka long haduh 82.09%, East Khasi Hills 89.60%.
Halor ka jingduh nong jong ka lad kamai, la iathuh ba ha East garo hills, ka long 83.9 pc, ha West garo hills, ka long 61.50 pc, katba ha Shillong, ka long 12.50 pc.
Phi don ban ong eiei?