Shillong: Ka Khasi Students’ Union Mawlai Circle haka 18 tarik Lber 2021, ka la ïoh ban pynhap pyrda noh ïa ka Open To All Knock Out Basketball Tournament 2021.
Na ka liang ki kynthei kiba ïa knieh ïa ka nam lahduh ka long hapdeng ka Tyllilang ‘A’ pyrshah ïa ka Shillong Labet ha kaba ka Shillong Labet, ka la jop da 25 Basket shiteng 8 Basket shiteng pyrshah ïa ka Tyllilang ‘A’ katba ha ka liang ki Shynrang ka Ïaineh ‘B’ ka la ïakhun pyrshah ïa ka TES ha katei ka Final ki Shynrang ka Ïaineh ‘B’ k ala jop da 31 Basket la 21 Basket.
Ha ka bynta ba nyngkong shwa ban sdang ka jing ïalehkai ki kynthei la don shwa ka jingïalang ba la pynïaid da u Samla Rapborlang Nongrum General Secretary KSU Mawlai bad uba dei ruh ha kajuh ka por u Assistant Finance Secretary. La ai jingkren da U Bah Joe Marbañiang, uba dei u nongïalam barim jong ka KSU Sengkmie kumjuh ruh jong ka Mawlai Circle, hadien katei sa ïoh ïaka jingleit ai khublei ïaki players bad ban sdang ïaka jing ïalehkai ba nyngkong jong ki kynthei.
Ha ka bynta ba ar hashwa ban sdang ka jingïalehkai ki Shynrang kala don ka jingïalang ba la pynïaid hi da u Samla Rapborlang Nongrum,la ïoh ïa ka jingkren pdiang sngewbha na u Samla Biangbor L.Paliar President jong ka KSU Mawlai Circle bad uba dei ruh ha kajuh ka por u Vice – President KSU Seng kmie,hadien kata la ïoh jingkren na u Samla Manly J.Nongpluh Finance Secretary jong ka KSU Sengkmie uba long kum u symbud kongsan ha katei ka Sngi.
Khatduh laïoh jingkren na u Samla Lambokstarwell Marngar President Rangbahduh jong ka Seng bad hadien katei ka jingkren laïoh ban leit ai khublei lang ïa ki Player da u Kongsan, Symbud Kongsan,ki Nongïalam ka KSU Sengkmie ki nongshah khot Sngewbha bad ki Nongïalam ka KSU Mawlai Circle bad la aiti syndon ha ki Referee ban pynïaid bad sdang ïaka jingïalehkai.
Ha katei ka sngi ki lahduh kata ka Ïaineh ‘B’ bad ka Shillong Labet ki la ïohrah ïaka Song Pisa ba mar 20Hajar tyngka katba kiba wan ar kata ka TES bad ka Tyllilang ‘A’ ki la ïohrah ïa ka song pisa ba mar 10Hajar tyngka.Ïa ka Most Valuable Player ( MVP ) naka liang ki kynthei la ïoh da ka Samla Larihun Warjri na ka Shillong Labet bad ka la ïohrah ïaka Song Pisa ba 3Hajar tyngka bad naka liang ki Shynrang uba la ïohrah ïa katei ka song Pisa ba 3Hajar tyngka da u Samla Peter Kharshandi naka kynhun Ïaineh ‘B’.Kum ban shu pyn kynmaw ba ïa katei ka Tournament la plie pyrda haka 8tarik Lber 2021 bad baroh ki kynhun kiba la wan ïashim bynta ki long 26tylli naka liang ki Shynrang bad 10tylli naka liang ki kynthei, ong ka kyrwoh na u Samla Badonbok Malngiang Sports Secretary KSU Mawlai Circle.
Phi don ban ong eiei?