Shah pynngat MPDA U bah Jyllud

Shillong, 5 Rymphang:
Ka Kashari ka la pynngat ia u Bah jyllud hapoh ka ain Meghalaya Preventive Detention Action 1995.
Katkum ka thymmei khubor na ki pulit, une u Bah Jyllud uba ka kyrteng shisha jong udei u David Lyngdoh bad uba la ju kylla kyrteng bunsien kum u Ricky Malngiang , u Albert, u Raja.
Ia une u runar la ju khot ruh kum u Phantom uba la ju leh ia ki kam sniew ban leit jyllud ban rung iing ha kylleng ka nongbah Shillong.
Une u Phantom u la don bynta ha ki kam sniew haduh 16 tylli kynthup naduh ki kam tuh kam thiem, kam jyllud kynthei ha kylleng ka Nongbah Shillong.
Ha kawei pat ka liang ka Kashari jong u Judicial Magistrate 1st Class, Shillong ka la rai pynrem ia u Charles Thongni halor ki kam kam beain bad ruh ia u Kala Thapa namar ki kam runar jong u.