Shah kem U Pynshai, ioh bat ar tylli ki bike na Wahkdait; dei kiba thmu ban lilam sha Bangladesh

Shillong:Ki pulit ka Pynursla, ki la ioh bat ia ar tylli ki bike, kiba shu tuh na Wahkdait, ha ka por 7.30 mynta ka step bad kitei ki dei kiba don ia ki number OD 04 E 9447 bad ML 05 G 1066.

Haba ki iohi ia ki pulit, ki saw ngut kiba rong tuh ia kitei ki bike, ki la phet krad sha khlaw bad iehnoh ia ki bike shadien.
Ha ka jingbeh thong, la ioh kem ia uwei, uba kyrteng U Pynshai Rani, uba dei uwei na kiba donkti ha shibun bah ki kam thok. Ki pulit, ki dang wad ia kiwei pat kiba donkti ha katei ka kam tuh bike. Don ar tylli ki ejahar ha Mawlai, halor ka jingjah kitei ki bike, ong ka khubor na U Superintendent of Police, East Khasi Hills, Shillong.

Kitei ki bike, ki dei kiba thmu ban die tuh sha Bangladesh.