Nongpoh: U Samla u Aristone Ryngdongsngi, uba shong basah ha ka Shnong Iewmawlong ha Ri Bhoi District, uba la iohtam ia uwei u Kynjri Ksiar uba don kumba 3 Tula ei ei bad uba la shongdor kumba T. 1 Lak tam, u la kyntu ia ki trai kiba jah bad kiba deihok ba kin leit shim na u.
Ia utei u Locket Ksiar, u samla Aristone Ryngdongsngi, u la iohtam mynha ka miet sngi u Blei ha ka por 7 baje ei ei janmiet, ha kaba u la iohtam na ka surok Service Lane jong ka surok National Highway-6 mar pyrshah bad ka Woodland Dhaba kaba don ha Nongpoh, Ri Bhoi District. Utei u samla, u la ong ba um tip la utei u Locket ksiar, u dei uba la kum pynhap da ki briew ne dei uba shah tuh ha ki runar, hynrei katkum ka jingshem jong u, la shu antad ba udei uba la kum pynhap da ki briew kiba iaid ba ieng lyngba katei ka surok.
U Samla Aristone Ryndongsngi, u la pyntip ba kito ki trai ba dei hok bad kiba la kum pynhap ia utei u Locket Ksiar, ki lah ban wan kam ne ban phone ha u number 8794258513 bad shuwa ban aiti ki hap ban batai shuwa ia ka dur ka dar jong utei Locket Ksiar bad u la kyntu ia ki briew ba kim dei ban shim kabu ne ban wankam thok.
Phi don ban ong eiei?