Shillong: Ka Kur Lyngdoh Lyngkhoi, ka la lah ban ia shong Meeting biang, hadien ka jinglong jingman ka pyrthei ha ka Lockdown. Ka Kur ka la sngewkmen eh shibun hadien ba la ioh lad biang ban ia pynlong ia ka jingialang.
Ha kane ka meeting la iadon lang na ka Central Body bad na ki nongkitkam na man ki District bad Unit jong ka Khasi Jaintia. Ka long ruh ka sien kaba nyngkong ban ia ioh ia pyrkhat kam lang bad ki nong kitkam na Jaintia Hills hadien ba ka Kur ka la ithuh bad tip ia ki ba ki dei ki juh ki Kur la jong na duh ka 07/12/2019. Kumta ha kane ka meeting la ia kren shibun ki kam ban nang ia pyntyllun ia ki kam jong ka Kur. Kat kum ka jingpynlong ia ka Dorbar bah jong ka kur kaba la ju long man ka shi sien ar snem kata mynta u snem ka la dei ka pali ban long ha Ribhoi District, hynrei namar ka Lockdown ha u ne u snem ba la dep(2020) ka la pynthud noh ban pynlong ia mynta u snem. Kumta da ka wei ka sur la ia mynjur lang ban pyn long biang noh ha u snem ban wan, kata ha u bnai Feb 2022 taiew ba nyngkong ha Ribhoi District, ia ka tarik yn sa pyntip hadien.
Ka meeting kaba la long mynta ka sngi ka la kyntu ia ki Kur baroh ba kin ai biang ia ka jinglum jingkhein(census) ia ki iing bad ka jingdonbriew ha man la ki thliew iing kumba la leh ha kine ki snem ba ladep bad ban pynpoi ha shwa ka dorbar Bah, Ki district bad ki Unit bapher ba pher kin shim khia ia kane.
Phi don ban ong eiei?