Dawa ka East Jaintia Mahila Congress na U DC, ban wah ia ki dor jong ki marbam ha ki dukan

Khliehriat: Ka East Jaintia Hills District Mahila Congress committe ha ka 8tarik Lber, 2021 hapoh ka jingialam jong ka President Ka Kong Jhanika Siangshai, ka Vice President Ka Kong Shimika Sungoh bad Ka Treasurer Ka Kong Daman Swer, ki la leit iakynduh ia u Deputy Commissioner ka East Jaintia Hills District U Bah E.Kharmalki (IAS) bad ki la ai ruh daka jingthoh ban dawa na u ban bthah iaki dukan marbam baroh hapoh District ban buh (signboard) iaki dor marbam (essential commodities) haki dukan.

Te halor kane ka bynta u Deputy Commissioner ula kular ban leh bad shimkhai iakane ka bynta naka bynta ka jingmyntoi bad ki jingtip jong ki paidbah iaka dor ka mur jong ki marbam khnang ban lah ban tehlakam iaka jingshim kabu jong ki dukan halor ki dor jong ki marbam, ong ka kyrwoh, ba la pyllait da ka President Ka East Jaintia Hills District Mahila Congress committe Ka Kong Jhanika Siangshai.