Wad jingtip ka MHRC ia ka Umoid

Shillong: Ka Meghalaya Human Rights Commission (MHRC), Shillong, ka la shimti ban tohkit, halor ka jingjia ha Umoid, kumba la mih ha ka kotkhubor.

Ka MHRC, ka la thoh sha U Chief Secretary, ka sorkar Megha laya, ba un phah ban tohkit, lyngba U Commissioner of Division bad ban phah ia ka kaiphod halor ka jinglap jongu sha ka komishon lem bad ki rai, kiba ka sorkar jylla, ka shim halor katei ka kam. Ka komishon, ka bthah ruh ban siew ia ka bai lutksan sha uba iap bad kumjuh ia kiba mynsaw, na katei ka jingjia. Ka komishon, ka pynksan ia katei ka mat, halor ka Article 21 jong ka riti synshar ri, kaba iadei ia ka jingim jong u briew shimet shimet, uba don ha ka jylla.