95,189 kiba wan phai na shabar jylla, na ka daw u covid

Shillong:U Myntri rangbah ka jylla u Conrad K Sangma haba jubab ia ka jingkylli u Saleng A Sangma u la iathuh ba haduh 95,189 ngut ki briew ki ba sah shabar jylla ki la wanphai sha ka jylla ha ka por ba lyngshop ka khlam Covid -19.

U myntri rangbah haba jubab ia ka jingkylli u la iathuh hapoh ka jingdorbar ba kumba 502 ngut ki briew ki ba la wanphai na shabar jylla ki la ioh jingiarap pisa hapoh ka Phase-I, ha ka ba ki ba hap ha ka phase II mynta ka dang iaid ka jingbishar bniah da u Director jong ka Commerce & Industries.

U Myntri rangbah u la iathuh ba bun na kiba wan phai na shabar ka jylla, la ioh ban thung ha ki jaka ai jingsumar bad ha kiwei kiwei ki kam, kane ka long ka jingsdang bad ka sorkar kan dang ai shuh shuh ia ki lad jingiarap na ka bynta kiba dang sah.