“Shriak” da ki diengbah, pynpur ilektrik sha Mylliem

Shillong, 3 Rymphang:
Shi lynter ka surok Mylliem sdang naduh Mylliem petrol Pump ter ter haduh khadwei mer bad kham sharum jong ka, la iohi ba ki don da ki dieng heh, ba la pynieng ban tan bording bad ba ki dei ki ba la hyndai hynthai bad mynta la iohi kumba kin kyllon noh.
Kitei ki dieng kiba la pynieng, ki don kiba la pynieng tang uwei; hynrei don ruh kiba la pynieng ar tylli ban buh ia ki tiar ilektrik, kiba kham khia.
Ha Mylliembah la iohi ba ter ter ha ki rud surok bad ha ki jaka sangeh kali ki la ieng sa tang ki dieng teh sainar ilektrik, ryngkat ki waiar rynjain rynjuin kiba ki paidbah ki tan bording. Ha Khadwei mer la iohi ba don lei u dieng, uba la jan kyllon hynrei i kumba la shan jubor ia utei u dieng, da ka ing briew kaba don ha syndah.
U Rupang u la pyrshang ban ia kren bad katto katne ngut ki nong shong shnong kiba don hajan kitei ki jaka ba ieng kitei ki dieng ilektrik, ki la shu ia rkhie kim nang jubab, bad ki la ong ba ki sngewlehrain ban pynmih khubor ba u don da u dieng ha ka jaka u nar ilektrik ha shnong jong ki.