Shah thang ka kudam ha Thynroit

Shillong, 3 Rymphang:
Ha ka 2 tarik mynta u bnai ha ka por 1:30 baje mynstep, ki runar ki bym lah ban tip ki la thang pluh ia ka kudam jong ka kong Stewmon Nongspung, kaba don ha ka shnong Thynroit, ha kaba ki sboh bad ki dawai mar-rep kiba don ha katei ka kudam kiba shong dor T. 34,990 tyngka ki la julor.
Ha kawei pat ka khubor, ka kong Sinona Nongspung ka la ujor sha ki pulit ka Madanrting, ba ha ka 2 tarik mynta u bnai ha ka por 8 baje mynstep ki runar ki bym lah ban tip ki la thang pluh ha ka jaka rep jong ka kaba don ha ka shnong Umaitnai Mawlali, Thynroit (EKH) ha kaba ka jinglut ksan ha katei ka jingshah thang pluh ka shongdor T.16,00 tyngka.
Katba ha kawei pat ka khubor ka kong Bartisa Nongspung ka la ujor sha ki pulit ka Madan rting PS ba ha ka 2 tarik mynta u bnai ha ka por 8 baje mynstep, ki runar ki la thang pluh ia ka jaka rep jong ka kaba don ha ka shnong Langsah, Thynroit bad ha katei ka jingjia ka la duh nong T.5000 tyngka.