Shillong:Myn hynnin ka sngi ka seng Meghalaya People United Front bad ka Jaintia students Movement Shangpung unit, hapoh ka jingialam khmat U Ma Phrang Suiam, president MPUF,Byntami sajem bad ki dkhot jong ki ar seng ki la hiar jurip hi dalade ia ka jaka ba mut ban shna coke factory ba don ha ka shnong Shangpung Mynkrem.
Ha ka jinghiar jurip ki arseng lem bad ki nongshong shnong la lap ba kane ka jing thmu ban shna ia ka coke factory, ha katei ka jaka,ka long kaba buh jing ma ia u nong shong shnong jong ka shnong Mynkrem namar ba bun hi u paidbah ba rep ba riang, ba leit tong um dih bad sait jaiñ marjan bad kane ka jaka ba shna ia ka factory.
Ha ka jing iakren bad ki nong shong shnong, ki la ong ba kane ka jing mut shna coke factory ka long ka ba la ap jingma lypa ia ki nongshong shnong bad ka long kaba shu leh bor da u trai karkhana, ha kajuh ka por uba long u waheh shnong Mynkrem ruh.
Kumta na liang ki ar seng, kin sa shong pyrkhat shen bad kin shim ruh ia ka sienjam kaba dei ban leh.
Phi don ban ong eiei?