Shillong:Ki nonghikai kiba iakhih da kaba shah thngan ha Madan Malki, ki la bteng la 5 sngi kynthih bad mynta ka sngi, ki buh ka jingkylli ia u Myntri rang bah ka jylla u Conrad K Sangma da ka ba ki ong “Ko Myntri rangbah u kpa jong phi u dei u nongseng ia ki skul, hynrei u khun pat u dang weng ia ki nonghikai”.
“U P.A Sangma u dei u nongseng ia ki skul ha baroh kawei ka jylla, hynrei u Conrad K Sabgna u dei u nongweng ia ki nonghikai na ki skul ha ka jylla” la ong u bah Birbor Riangtem uwei na ki nonghikai ki ba shim bynta ha kane ka jingiakhih shah thngan.
Kumba long mynta na ka liang jong ka sorkar jylla kam pat phah ktien ei ei ha kaba ia dei bad ka jingiakhih shah thgnan ki nonghikai kontrak jong ki Goverment LP skul ha ka jylla Meghalaya kiba la shah weng na ka kam hikai kontrak kaba la iaid mynta ha Madan Malki.
U bah Birbol Riangtem nongialam ki nonghikai kontrak, ula ong ba haduh mynta ka sngi ka jingshah thngan ka jong ki ka la kot sha ka san sngi, hynrei ka sorkar kam pat kren ei ei halor jong ki, na ka liang jong ki nonghikai ki la rai ban bteng ia kane ka jingiakhih shah thngan.
U bah Riangtem u la ong ba kum ki nonghikai ki la shim ia ka rai ba kin dang iai bteng ia kane ka jingiakhih haduh ba kin da ioh ia ka hok ka jong ki, lada kim long kiba bit ban hikai balei ka sorkar kam weng noh ia ki hadien kaba thung ia ki 59 ngut bad balei ka phah bteng ia ki haduh 10 snem tam ne duna.
Kane ka jingleh bein jong ka sorkar ia ki nonghikai ka long kaba la palat khlem da pyrkhat shuh ia ki bad kum ki nonghikai, ki la rai skhem ba kin bteng ia kane ka jingiakhih jong ki bad kan kham suk ban iap, ha kane ka madan Malki ban iohi ba ki khun ki shah thngan la ong u bah Riangtem. Mynta ka sngi ki MLA ka liang pyrshah, ki la leit ban jngoh ia kine ki nonghikai kiba shah thngan ha katei ka jaka ha Madan malki, ki MLA kiba la leit ki long u bah HM Shangpliang, bah George B Lyngdoh, bah Kimfa S Marbaniang, bah PT Sawkmie, bah Mohendro Rapsang, na ka liang ki seng bhalang ruh ki bun ki la leit ban ai mynsiem ia ki.
Shimet te suk Lada iap, ki khun pat ki suk ban shah thngan? Kein noh ka shong pynlut por, sdang da kiwei ki kam lajong. Kumno phin pynksan haba phi latip ba ka kam kadei purely contractual lane officiating basis. Wake up people don’t wait for an easy way.