Khlad ar ngut ha shen, naba hap ka trok

Shillong:Ha ka step phyrngab jong ka 5 tarik u Lber 2021 kawei ka trok kit dieng kaba don ia u nombar ML 05 H 7985, ka la hap noh sha riat katba ka dang kiew ia ka surok ba long riat ha kawei ka jaka kaba la kyrteng kum ka riat Mihlong kaba hap ha u pud u sam jong ka shnong Mawkarah, West Khasi Hills Districtb katba ka dang wan na ki thaiñ Jakhong.

Ki pulit ka Mairang Police Station mar ia ioh jingtip ia kane ka jingjia ki la hiar bak bak sha kane ka jaka bad ka jingkloi jong ki paidbah ka shnong Mawkarah ban iarap lem ia ki pulit la lah ban sei noh ia kiba la khlad tang hapoh ka shiteng kynta wat la ka kali ka la hap palat 50 mitar sha riat na surok.

Katkum ki tyllong khubor la ioh lum na ki pulit la iathuh ba ia kane ka trok la niah da u Iohbynta Malngiang na ka shnong Wahlakhaw, u ba la mynsaw jur bha ha kane ka jingjia katba arngut ki nongbud ia kiba la tip kyrteng kum u Phlar Rani u ba la don 60 snem ka rta na ka shnong Wahlakhaw bad u Wresming Ryntathiang uba dang 26 snem ka rta uba dei na ka shnong Weimynser kiba la khlad noh ha shen namar ka jingjur palat ka jingmynsaw.