Shillong: Ki contractor ha ka jylla, kiba don hapoh ka shatri jong ka All Meghalaya Contractors and Supply Assiociation (AMC&SA), ki la wan ban pynpaw ia ka jingeh jong ki, namar ka jing ai contract jong ka sorkar jylla ia ki Company, ba nabar ka Jylla.
Na ka liang U President jong ka AMC&SA u bah B.L Nonglait, u la ong ba ka jingeh jong ki Contractor trai jylla ka long ba ka sorkar MDA ka pyrshang ban pynkylla ia ki rukom trei kam ha ki tnad bapher bapher ha kaba ki ka wanrah ia ka turnkey system.
“Ka jingwanrah jong ka sorkar MDA ban shim kyllum lang ia ki project barit sha ka package ka dei namar ba ka sorkar MDA ka kwah ban wanrah ia ki company nabar ka jylla bad kane ka wanrah ia ka jingduh kam ia ki contrator jong ka jylla” u la ong. U la iathuh ba halor kane ka bynta, ka seng ka la leit ban ia kynduh ban pynpaw ka jingeh ia ki minister ki ba bat ia ki tnad bapher bapher, hynrei haduh mynta ka sorkar ka dang sngap mynthi.
U la ong ruh ba ka sorkar MDA, ka dei ka sorkar kaba khanglad ia ki contractor trai jylla, namar ba kam kwah ban ai kam ia ki, hynrei ka wan rah ia ki thup baheh khnang ban myntoi ki company na bar jylla. U la iathuh ruh ba halor ka kyndon jong ka Trading by non Tribal Regulation ka paw shai ba u bar jylla u ba wan trei ha ka jylla u donkam ban ioh shuwa ia ka trading laisen, hynrei kat kum ka jingbthah jong ka sorkar jylla ha u snem 2017 ba ka tender paper kam hap hapoh ka trade kum ba long ka act, u la ong ba kane ka jingbthah ka dei kaba pynpoh ia ka district council. U la ong ruh ba kane ka dei ka jingkhang lad ia ki contractor trai jylla, namar ba mynta ka jingthep kam ka long lyngba ka online bad kane ka pynsuk ia ki company ba na bar ka jylla ba kin ioh ia ka kam khlem da ioh ia ka Pre- deposit Trading lisence.
Na ka liang ka seng ka dawa ia ka sorkar MDA ba ka dei ban weng mardor ia kane ka jingbthah na ki tnad bapher bapher khnang ba ki contractor trai jylla kin ioh ia ki kam ki jam ha ka jylla.
Contractor Trai jylla ym ju trei pyndep katkum ka por bad trei sakhler palat kwah ioh nong bun eh, dang bha hi ban ai ha ki company as per my opinion.
Nga ruh nga mynjur ia ka ne ka comments
Ba u khasi khara jong ngi u dap daka Jingatnud Jing bishni I wei ia iwei para khasi ruh . Naka ta ka daw ka sorkar ka kwah ban peit Kai iaka jinglong jong phi sia ki contractor.
Saka wei ruh ba u khasi jaintia jong ngi u lehrain bha ban trei sha surok namar ba u sngew lehrain ynda la iohi ki briew ba u trei ha surok , ka Jing sarong te ym lah batai shuh , ioh bainong 500 shisngi phong Jaiñ pt ba 3000 , 4000 ki juti ki tshirt
peit ka surok na Ummulong Sha Nartiang,. West jaintia, ka jingtrei torti ba shyrkhei, katnoa ka jing jerking kynruh-kynther, haba ïaid kali rit (SUV) ruh, ka rong tae ka rong (black topping), tang ba khlem pyn tyllun road roller.
Ko sorkar MDA, ka bha shibun ba phin ai repair pyn-jlih (smoothen) noh ìa utei u surok ha ki Company Dkhar bar jylla, khnang ba kan ïadei ba ki kali ka juk mynta, ym kum ka surok Kali kulai ne surok ïaid Jeep la-ne 4 x 4 truck hyndai.
namar ba ki briew lajong jongngi ki trei torti palat be ki ang pisa palat