Shillong: Katba dang iaid ki sngi ki ia, la sakhi ba ka jingshah tuh ki kali ar shaka ka la nang jubor bha ha Nongbah Shillong.
La iathuh ba kawei ka thuk thuk jong u bah Kloilan Mylliem ka la shah tuh noh ha ka miet jong ka 2 tarik u Lber 2021 na ka jaka ba u ju pynieng hajan iingsah ka jong u kata ha Laimer shiteng.
La iathuh ba ia kane ka thuk thuk la shah tuh ha ka por mynmiet bad u trai pat u la lap ba kam don shuh ha ka jaka ba u pynieng ha ka por mynstep hashwa ba un leit bylla.
Kane ka thuk thuk ka dei ka Royal Enfield Classic bad kadei ka rong maroon kaba don ia u registration nombar ML 05 J 7207. Ki nongtuh kiba tuh ia kane ka thuk thuk ki la bom ia u lock. Na ka liang jong u Bah Kloilan u la dep ban mudui ejahar halor kane ka jingjah jong u ia kane ka thuk thuk hapoh Jhalupara Police Station.
Phi don ban ong eiei?