Pynskhem ia U Mehta kum u DGP

Sshillong, 30 ’lyngkot:
Ka sorkar jylla ka la pynskhem ia u Rajiv Mehta kum u Director General of Police (DGP) ka Meghalaya bad un shimti ia kane ka kam naduh u bnai ban wan.
Ka thymmei khubor ka iathuh ba u Rajiv Mehta un shimti ia kane kam kum u DGP ka jylla naduh ka 5 tarik Rym phang ban wan.
U Rajiv Mehta u dei u heh pulit IPS jong u snem 1981 ka kynhun Assam-Meghalaya, bad u bat mynta kum u Director General of Narcotics Control Bureau (NCB).
Ia mynta ia kane ka kam DGP la bat shipor da u SK Jain hadien ba la shong thait noh u DGP barim u PJP Hanaman.
U Mehta u la shah thung kum u heh DGP ba thymmai hadien ba u PJP Hanaman u la shong thait ha ka 31 tarik Nohprah mynshem snem.
Ka State Security Commission kaba shong kham mynshwa ban jied ia u DGP, ka la pynmih kyrteng san ngut ki ophisar IPS kiba lah ban shimti na ka bynta ka kam DGP.