Pynshai ki pulit ia ki nongniah taksi ha Nongmensong

Shillong, 28 K’lyngkot:
Khnang ban pyn sngewthuh bad ban wad ia ka jingiatreilang ban pynlong ia ka sor Shillong kaba shngain, ki pulit ka nongbah ki la pynlong ia ka jingpynshai paidbah ha kylleng ki jaka jong ka nongbah bad mynta ka sngi, la pynlong ha Community Hall, Nongmyn song ryngkat ka jing iatreilang bad ka seng ki nongniah taksi ka East Khasi Hills Taxi Welfare Association bad ka Rani Motors Shillong.
Ha kane ka jingpyn shai paidbah, ioh ia ka jingkren na u Bah Dap mon Khonglah ka Nong mynsong Dorbar uba la iaroh ia ka tnad pulit kaba la leh ia kane ka kam. Kumjuh ruh na u Bah Wandonbok Jyrwa u General Secretary ka East Khasi Hill Taxi Welfare Association, u Bah Anthony Shullai na ka Rani Motors Shillong.
U Superintendent of Police, East Khasi Hills Shillong u Bah M Kharkrang u la batai ha kane ka sngi ia ka jingthmu bad ka jingdonkam ban pynlong ia ka sor Shillong kaba shngain bad ia ki ain kiba iadei bad ka niah kali. U la ban jur ia ka jingiatreilang hapdeng ki pulit bad ki nongniah kali ban pynsuk bad ban lait ia ka jingeh ha ka jingpyniaid kali bad ruh ban pynlait na kano kano ka jingma ia ki paidbah nongshong kali.
La pynlong ruh ia ka jingkhalai nusip ha kaa la don san ngut ki nongjop.