Leh bha ka Ri Bhoi bad South Garo Hills na Zone 1 & 2 ha ka Inter-District U-23 Cricket Tournament

Shillong: Ha ka jing ialehkai ka Inter-District U-23 Cricket Tournament kaba la pynlong ha Nongpoh, ka Ri Bhoi ka la ioh ban synshar ia ka pitch da kaba pynlong ia ka East Jaintia Hills ban hap ban bteng biang ia ka jinglehkai da ka jingsahdien jong ka, da 145 run.

Ha kajuh ka por ka la long kumjuh ha ka jinglehkai ha Mendipathar ha kaba ka South Garo Hills kaba la lamkhmat ia ka South West Khasi Hills da 34 run hadien ka jingkut noh jong ka inning kaba nyngkong na ka bynta kine ki arliang.

Ha ka Zone 1, ka Ri Bhoi ka la jop ia ka toss bad jied ban tied bol shuwa bad ka la lah ban kamai 244 bad khyllem lut baroh ki wicket, ha kaba u Bibek Powdel u la kamai haduh 120 da 99 bol, katba u Laxman Gurung u la lah ban kyrshan ia ka kynhun jong u da 42 run. Na ka liang ka EJH u Saroj Raut u la long uwei na ki nongkawang bol ba biang tam da kaba ioh (6/64).
Ka Ri Bhoi ruh kumjuh ka don la u nongkawang uba tbit uba la ioh mait 6 ngut kata u Ram Gurung (6/25), bad da kane la buh noh sharud ia ka EJH da 63, kaba la pynduna da 181. U Peter Sangma u dei u nongkamai ba hakhlieh duh jong ka EJH ha ka inning kaba nynkong jong ka da 17.

Ha kaba kut jong ka sngi ka East Jaintia ka long dang 36/2, ha kaba sa kumba 145 run ka long shadien jong ka Ri Bhoi.
Haba phai sha ka Zone 2, ka South West Khasi Hills ka la ioh lad ban jied shuwa da kaba tied bol hynrei la pyn sangeh noh hadien ba ka la kamai 140/9 namar ka jingleitphai noh uwei u nongtied na ka daw ka jingshitom. 8 ngut ki nongtied jong ka SWKH ki la lah ban kamai 10 run shakhmat, hynrei uba la ioh bun eh na ki u dei u Pyntngenlang Lyngdoh da tang 26 run. U Chengsrang S Marak na ka liang pyrshah u la ioh 3/28.

U Jopborlang Lyng doh na SWKH u la lehkai bha ha ka kylla step jong ka jinglehkai ha kaba u la ioh 5/28, katba u Shan borlang Dkhar u ioh 3/38. Hynrei na ka liang ki nongtied jong ka SGH ki la ioh lad ban kamai bha wat hapdeng ka jing khyllem lut jong baroh ki wicket da kaba ioh 174, kaba la pynlong ia ka Garo Hills ba kan lam khmat da 34. U Gideon Marak bad u Richard N Sangma ki la ioh ban kamai mar 32 run.