Kem trok bad nongtih dewiong ki Majistor

Shillong, 27’lyngkot:
Ha ka 24 tarik mynta u bnai, ha ka por 8:30 baje mynmiet ka kong RS Mannar, ADM, Khliehriat ka la ioh kem ar tylli ki trok kit dewiong kiba shalan be-ain khlem ki kot ki sla kiba biang. Kitei ki ar tylli ki trok ki dei kiba don ia u nombar ML-04B-7187 bad kawei pat kaba don ia u nombar ML-04-4399) ba la niah da u Stan Shylla bad u Ham Rymbai, kaba long ka jingpynkhein ia ka hukum ka NGT.
Ha katei kajuh ka sngi, ka Majistor ka la kem ia lai ngut ki nongtrei dewiong katba ki dang tih dewiong na kawei ka par kaba dei trai da u Joytal Swer, kitei ki lai-ngut ki nongtih dewiong kiba la shah kem ki dei u Md. Suiz Uddin, u Md. Sur Miah bad u Md. Blika Rahman. Katei ka Majistor ha katei ka juh ka sngi ka la ioh ke sa ia uwei pat u nongtih dewiong uba la tip kyrteng kum u Wansha Syngkon katba u dang tih dewiong na kawei ka par kaba dei trai da u Pras Bareh kaba don ha Deinchynrum Rymbai Road (EJH), kaba long pyrshah ia ka hukum ka NGT.
Ha ka 24 tarirk pat ha ka por 8:30 baje mynmiet, u bah J.M. Kharbudon, EAC, Khliehriat u la ioh bat laingut ki nongtih dewiong katba ki dang tih dewiong na kawei ka par kaba dei trai da u W.Shylla ha Byndihati , kitei ki laingut ki dei kiba la tip kyrteng kum u Md. Nashafa Ahmed Ali , u Md. Ainul Hoque bad u Md. Nazimm Uddin .
Ha ka 22 tarik ha ka por 7:10 bajr mynstep, u bah D.V. Lyngdoh, MCS, EAC, Khliehriat la ioh kem ar ngut ki nongbylla tih dewiong katba ki dang tih dewiong ha dkhiah, East Jaintia hills. Ha katei ka juh ka sngi ha ka por 7:30 baje mynmiet, u bah M.J. Kharbudon, Executive Magistrate, Khliehriat u la ioh kem saw tylli ki trok kiba don ia u nombar ML-11-0696, ML-04A-07879, ML-04B-1090 & ML-04B-3472ba la niah da u Rajesh Sympli, Sati Dkhar, Chedrale bad u Heman Nongtdu katba ki dang shalan dewiong khlem ki kot ki sla kiba biang, la kem ia ki na Ladsutnga NH-44 (EJH).