Yn sdang lilam noh, ia u dewiong ha ka Jylla, ong u symbud MR

Shillong:Myn hynnin ka sngi ka 24 tarik u Rymphang 2021, ka Sorkar Jylla ka la pyntip ba ka tnad Mining and Geology ka la pynmih ia ka jingpynbna ban lilam noh ia u dewiong ba la dep ban tih na kane ka jylla kaba long katkum ka jingbthah jong ka Supreme Court.

Ki kynhun kiba kwah ban iashim bynta ha ka jinglilam ia une u marpoh khyndew ki donkam ban registar shwa bad ka MSTC Limited da ka Spot E Auction, hadien pat kin sa ioh ia ka jingpyntip bad ka jaka ba la buh ia u dewiong bad hadien ba ki la dep ban peit kin sa khlieh ia ka dor.

Haba kren sha ki lad pathai khubor, u Symbud Myntri Rangbah ka Jylla, u Prestone Tynsong u la ong, “Nga sngewkmen ban pyntip ba mynta ka sngi ka Sorkar hapoh ka tnad Mining and Geology ka la pynmih ia ka jingpynbna ban lilam noh ia u dewiong ha baroh kawei ka jylla Meghalaya ha ryngkat ka jingbthah na ka Supreme Court.”