Por miet, tuh maw ki khar Bangla

Shillong, 25 K’lyngkot:
Ka jingjur ka jingwan tuh maw tuh shyiap ki khar Bangla ka jia bha ha ka thain khappud ka India bad ka Bangladesh ha kine ki sngi. Katkum ka jingtip ba la ioh, ki khar Bangla ki leh satar bha ha kaba ki ju wan ban tuh ban khlong ia ki maw na jaka India ha ka por mynmiet, watla mynsngi ruh ki wan lada ki ioh lad.
La iathuh ba kine ki khar Bangla ki wan ban khlong ban tuh maw tuh mawshun bad ki mar rep mar riang na India da ki lieng kynda.
Ka jingwan tuh ka jia bha ha thain Dawki, wah Umngot. Ki shipai BSF ki la ong ba ki la kurup bun phew tylli ki lieng kynda ki khar Bangla ha kine ki sngi ba la dep.
Kine ki khar Bangla ki wan kam sha India ban tuh maw na ka wah Jadukota.
Namar ka jingjur ka jingkhlong maw ki khar Bangla, ka lynti iaid ka wah Umngot ka la kylla na ka liang ka tnad khlaw ka la pynpaw ia ka jingsngew khia jur ia kane ka jingwan tuh maw ki khar Bangla na wah Umngot.
ki nongshong shnong ka thain khappud, ki la iathuh ba ki khar Bangla ki ju wan rung sha India bad ki leh ia ki kam runar kam tuh kam thiem.
“Ki khar Bangla ki ju wan kiew sha India ha ka por mynmiet”, la ong ki nongshong shnong ha thain khappud.
Na ka liang u Frontier IG u Sudesh Kumar u la ong ki shipai BSF ki la iakren bad ki shipai ka Bangladesh ki Border Guard Bangladesh bunsien halor kane.
“Ki BGB ki la shim ia ki lad ki lynti ban pynsangeh ia kane ka jingwan tuh maw na India”, u la ong dang shen.