Hukum U DTO, hapoh 7 sngi; ban tah ha ki kali, ia ki dor bai kali ha Shillong

Shillong: U Secretary, Regional Transport Authority, East Khasi Hills, u pyntip sha baroh ki trai kali bad ki nongniah, ba kin leit mar mar sha katei ka ophis, ba kin leit shim, ia la ki jong ki hand book, kiba batai ia ki dor shong kali ha ka nongbah Shillong.

Ia kitei ki hand book, yn ioh na ophis ka Regional Transport Authority, Shillong bad dei ban leit shim noh, hapoh hynniew sngi. Kitei ki handbook, ki dei kiba hap ban tah shai bha, ha baroh ki kali kamai, ong ka kyrwoh khubor. Lah ruh ban shim ia kitei ki bai kali, na ka www.megtransport.gov.in.