Yn sa pynhiar bai kali ka AJTCVA

Jowai:Ka jingialang ka All Jaintia Tourist & Commercial Vehicle Association (AJT&CVA) ka la rai ban pynhiar khyndiat ia ka bai kali lait noh ia ka bai kali na Shillong sha Jowai kaba la buh dor 200 Tyngka.

Ia kane ka rai ban pynhiar kyndiat ia ka dor bai kali la shim hadien ka jingiakynduh ia u Superintendent of Police, WJH bad ia u DTO ka WJH mynta ka sngi ruh ia u Deputy Commissioner bad da ka jingai jingmut ki riew rangbah bad rangbah nongialam shnong.

Ha katei ka jingiakynduh ki kynthup ruh ha ryngkat ki sengbhalang bapher papher ka Jaiñtia Student Movement (JSM), Jaiñtia Student Union (JSU), ka Hynñiewtrep Youth Council (HYC), ka Jaiñtia Youth Federation (JYF) bad ka MPUF.
U President ka AJT&CVA u ma Paila Kordor Lyngkot u la ong ba iaka dor jong ka bai kali kamai ha kylleng ka Ri-Lum Jaiñtia kaba la buh jingeh naduh ki paidbah nongleit nongwan bad ïa ki nongñiah kali kumjuh bad ka seng ka la leh shitom ban pynhiar ia ka dor bai kali bad ia ka dor yn sa pynbna pat hadien.

Shuh shuh utei u nongialam ka All Jaiñtia Tourist & Commercial Vehicle Association (AJT&CVA) u la pynsngew ruh ïa ka jingeh kum ki nongñiah kali ki ïa kynduh halor ka jingkiew dor jong ka bai khajna ne ki Taxes jong ki kot kali.

Ka dor kaba la sorkar ka buh 18 tyngka ha ka shi kilo miter lada khein tang na Jowai sha Khliehriat ka poi haduh 144 tyngka ne tam hynrei na ka liang ki kali kamai ki dang shim duna ban ia katei ka dor.