Thmu pyniap hi u pulit ialade

Shillong, 25 ‘Lyngkot:
U pulit ‘ Sub- Inspector’ uba tip kyrteng kum u PJ Marbaniang u la mynsaw jur hadien ba u la siat ialade da ka pistol da ka jingthmu ban shim ia la jingim. U Sub-Inpector u dei uba peit ia ka Partharkhmah Out Post, Ri Bhoi District. Ka khubor, ka iathuh ba u la mynsaw jur hadien ba u la siat pynmynsaw ia lade ha ïingsah quarter jong u ha ka por 9.00 baje eiei sngi Saitjain ka miet da ka jingthmu ban shim noh ia la ka jong ka jingim.
La ioh jingtip ba utei u pulit u la thmu ban shim noh ia la ka jong ka jingim hynrei u la shu mynsaw jur na katei ka jingjia bad la pynkit noh ia u mar mar sha Guwahati ban ioh ia ka jingsumar.