Shillong: U District Transport officer u bah R.Hinge, u la ong ba mynta ka dei hi ia ki paidbah ban wan shakhmat ban ujor ia ki nongniah kali kiba shim tam ia la bai shong kali na ka dor ka ba kaba ka sorkar ka la pynbeit.
Haba iakren bad ki lad pathai khubor, u bah Hinge u la ong ba na ka liang jong u, u kyntu ia ki nongniah kali ba kim dei ban shim kabu halor ka dor shongkali hynrei ki dei ban shim katkum ka jingbthah jong ka sorkar jylla. U la kyntu ruh ia ki paidbah ba mynta la kynti ka la dei hi ia ki paidbah ba kin wan shakhmat ban ujor halor ka jingshim dor ka ba tam jong u nongniah kali kamai.
U bah Hinge u la ong ruh ba lada uno uno u nongniah kali u shah ujor na ka liang kan khot ia u bad kan bishar bha shuwa ia baroh ar mamla.
“Lada lap ba ki nongniah kali ki shim tam ia ka dor na kaba buh ka sorkar, kine ki nongniah kali kin shah knieh shi por ia ki kot kali lane ia ki lisence kali bad lada dang lap ba u dang pynkhein ka DTO kan pynduh noh syndon ia ka licence lane ki kot kali jong u” u la bynrap.
U bah Hinge u la ong ruh na ka dor ka ba la pynbeit da ka sorkar ka dei ha ka 13 tarik u Kyllalyngkot 2020 bad mynta kane ka dang shismem kumta ym pat i donkam ban kyntiew bad kan dang long kumjuh.
Ka Bai Kali Shillong -jowai Kala rem Shaba palat namar ki shim haduh 200 tyngka ,sngewbha phah da ki bus saw,shillong -jowai
Kabadei kane ka jingong mo. Ha East Jaintia ruh kakiew haduh 50 bad haduh 70 nakador barim ba ha shwa ka Lockdown. Ka Sorkar kan sngewbha ban leh ei2.
Kadei kane ka jingong mo. wat ha East Jaintia ruh 50 bad haduh 70 ka kiew na ka dor rim ba ha shwa Lockdown.